ಅಡಿಗೆ ಸೋಡಾದ ಒಂದು ಬಾಕ್ಸ್ ನಿಮ್ಮ ಅಡುಗೆ ಮನೆಯಲ್ಲಿ ಸಾಮಾನ್ಯವಾಗಿ ಇದ್ದೇ ಇರುತ್ತದೆ ಅಲ್ವಾ? ಆದರೆ, ಇದನ್ನು ಬಳಕೆ ಮಾಡುವುದು ಮಾತ್ರ ಬಹಳ ಅಪರೂಪ. ಏಕೆಂದರೆ, ಅಡಿಗೆ ಸೋಡಾದಿಂದ ಸಿಗುವ ಅನೇಕ ಪ್ರಯೋಜನಗಳ ಬಗ್ಗೆ ಹಲವರಿಗೆ ಮಾಹಿತಿಯ ಕೊರತೆ ಇದೆ. ಅಡಿಗೆ ಸೋಡಾದಲ್ಲಿರುವ ಸೋಡಿಯಂ ಬೈ ಕಾರ್ಬೊನೇಟ್‌ನಿಂದ ಆರೋಗ್ಯ ಹಾಗೂ ನಿಮ್ಮ ತ್ವಚೆಯ ಅಂದ ಹೆಚ್ಚಿಸಲು ಅನೇಕ ಪ್ರಯೋಜನಗಳಿವೆ
ಅಡಿಗೆ ಸೋಡಾದಿಂದ ನಿಮ್ಮ ಆರೋಗ್ಯ ಹಾಗೂ ತ್ವಚೆಯ ಸೌಂದರ್ಯ ಹೆಚ್ಚಿಸಲು ಅನೇಕ ಪ್ರಯೋಜನಗಳಿವೆ. ಇವುಗಳು ಯಾವುವು ಎಂದರೆ,
ಅಡಿಗೆ ಸೋಡಾದಿಂದ ಆರೋಗ್ಯದ ಪ್ರಯೋಜನಗಳು
1. ಬೇಕಿಂಗ್ ಸೋಡಾ ನೈಸರ್ಗಿಕ ಆಂಟಾಸಿಡ್-ಅಡಿಗೆ ಸೋಡಾ ನ್ಯೂಟ್ರಲೈಸಿಂಗ್ ಏಜೆಂಟ್ ಆಗಿದೆ. ಇದರಿಂದ, ಜಠರದಲ್ಲಿರುವ ಆಮ್ಲವನ್ನು ಸೋಡಿಯಂ ಬೈ ಕಾರ್ಬೊನೇಟ್ ನ್ಯೂಟ್ರಲೈಸ್ ಮಾಡುತ್ತದೆ. ಹೀಗಾಗಿ ಹೊಟ್ಟೆ ನೋವು, ಇತರೆ ಸಂಧಿ ಸಮಸ್ಯೆಗಳಿಗೆ ಪರಿಹಾರ ದೊರಕಲಿದೆ. ಹಾಗೂ ಆ್ಯಸಿಡ್ ರಿಫ್ಲಕ್ಸ್ ಸಂಬಂಧಿತ ರೋಗವನ್ನು ನಿವಾರಣೆ ಮಾಡುತ್ತದೆ.
2. ನೈಸರ್ಗಿಕ ಆಲ್ಕಲೈಸಿಂಗ್ ಏಜೆಂಟ್-ಅಡಿಗೆ ಸೋಡಾ ನೈಸರ್ಗಿಕ ಆಲ್ಕಲೈಸಿಂಗ್ ಏಜೆಂಟ್ ಆಗಿದ್ದು, ಹೀಗಾಗಿ ಆ್ಯಸಿಡ್‌ನ ಪರಿಣಾಮವನ್ನು ಕಡಿಮೆ ಮಾಡುತ್ತದೆ. ಹಾಗೂ ದೇಹದ ಉರಿಯೂತ ಸಮಸ್ಯೆ ಹಾಗೂ ಇತರೆ ಸಂಬಂಧಿತ ಸಮಸ್ಯೆಗಳಿಗೆ ಉಪಶಮನ ನೀಡುತ್ತದೆ.
3. ಮೂತ್ರನಾಳ ಸೋಂಕು ಸಂಬಂಧಿತ ಸಮಸ್ಯೆಗಳಿಗೆ ಪರಿಹಾರ-ಬೇಕಿಂಗ್ ಸೋಡಾ ಹಾಗೂ ನೀರಿನ ದ್ರಾವಣ ಮೂತ್ರನಾಳ ಸೋಂಕು ತಗುಲದಂತೆ ರಕ್ಷಣಾ ಕವಚವಾಗಿದೆ. ಮಹಿಳೆಯರಿಗೆ ಸಾಮಾನ್ಯವಾಗಿ ಬರುವ UTI ಸಮಸ್ಯೆಗಳಿಗೂ ಇದು ಸುಲಭ ಪರಿಹಾರ.
4.ವ್ಯಾಯಾಮ ವರ್ಧಕ-ನೀರಿನ ಜತೆಗೆ ಸಾರಗುಂದಿದ ಅಡಿಗೆ ಸೋಡಾ ಕುಡಿದರೆ ವ್ಯಾಯಾಮವನ್ನು ವರ್ಧಿಸುತ್ತದೆ ಎಂದು ಹಲವು ಅಧ್ಯಯನಗಳು ತಿಳಿಸಿವೆ.
5. ಮೂತ್ರ ಪಿಂಡದ ಕಾರ್ಯಚಟುವಟಿಕೆಗಳನ್ನು ಹೆಚ್ಚಿಸುತ್ತದೆ-ಅಡಿಗೆ ಸೋಡಾ ಬಳಸದವರಿಗಿಂತ ಬಳಸುವವರ ಮೂತ್ರಪಿಂಡದ ಕಾರ್ಯದಲ್ಲಿ ಕುಸಿತದ ಪ್ರಮಾಣ ಶೇಕಡಾ ಮೂರರಲ್ಲಿ ಎರಡು ಕಡಿಮೆ ಇರುತ್ತದೆ ಎಂದು ಹಲವು ಅಧ್ಯನಗಳಲ್ಲಿ ತಿಳಿದುಬಂದಿದೆ.
6. ಸಂಧಿವಾತ ಹಾಗೂ ಜಾಯಿಂಟ್ ಸಮಸ್ಯೆಗಳಿಗೆ ಪರಿಹಾರ-ಅಡಿಗೆ ಸೋಡಾ ಅಧಿಕ ಆ್ಯಸಿಡ್ ಅನ್ನು ನ್ಯೂಟ್ರಲೈಸ್ ಮಾಡಲಿದ್ದು, ಸಂಧಿವಾತ, ಆರ್ಥೈಟಿಸ್, ಜಾಯಿಂಟ್ ಸಮಸ್ಯೆಗಳಿಗೆ ಉತ್ತಮ ಪರಿಹಾರವಾಗಬಲ್ಲದು.
ಅಡಿಗೆ ಸೋಡಾದಿಂದ ಸೌಂದರ್ಯದ ಪ್ರಯೋಜನಗಳು
1. ಅಡಿಗೆ ಸೋಡಾ ನಿಮ್ಮ ಮುಖದ ಅಂದ ಹೆಚ್ಚಿಸಲು ಬಳಸಬಹುದು–ನೈಸರ್ಗಿಕವಾದ ಅಂದವನ್ನು ಬದಿಗೊತ್ತಿ, ಮನೆ ಶೆಲ್ಫ್‌ಗಳಲ್ಲಿ ಸೌಂದರ್ಯ ವರ್ಧಕಗಳೇ ತುಂಬಿಕೊಂಡಿರುವುದು ಈಗ ಹೊಸ ವಿಚಾರವೇನಲ್ಲ. ಈ ಕೃತಕ ಸೌಂದರ್ಯ ವರ್ಧಕಗಳ ಬದಲಾಗಿ ನಿಮ್ಮ ಅಡುಗೆಯ ಮನೆಯ ಮೂಲೆಯಲ್ಲಿರುವ ಅಡುಗೆ ಸೋಡದ ಕಡೆ ಕೊಂಚ ಗಮನ ಕೊಟ್ಟರೆ, ನಿಮ್ಮ ಮುಖ ಮತ್ತೆ ಕಾಂತಿಯುತವಾಗಲು ಸಾಧ್ಯ.
2. ಚರ್ಮಕ್ಕೆ ನೈಸರ್ಗಿಕ ಕ್ರಾಂತಿ–ಒಂದು ಟೀ ಸ್ಪೂನ್‌ನಷ್ಟು ಅಡಿಗೆ ಸೋಡಾ ಹಾಗೂ ನಿಂಬೆ ರಸ ತೆಗೆದುಕೊಳ್ಳಿ. ಇವೆರಡನ್ನು ಒಂದು ಚಮದಷ್ಟು ತೆಂಗಿನ ಎಣ್ಣೆಯೊಂದಿಗೆ ಮಿಕ್ಸ್ ಮಾಡಿ. ಈ ಮಿಶ್ರಣವನ್ನು 10 ನಿಮಿಷ ಮುಖಕ್ಕೆ ಚೆನ್ನಾಗಿ ಮಸಾಜ್‌ ಮಾಡಿ. ಲಿಂಬೆಯಲ್ಲಿರುವ ವಿಟಮಿನ್‌ ಸಿ ನಿಮ್ಮ ಚರ್ಮಕ್ಕೆ ಮಬ್ಬು ನೀಡಿದರೆ, ಅಡುಗೆ ಸೋಡ ನೈಸರ್ಗಿಕ ಕಾಂತಿಯನ್ನು ನೀಡುತ್ತದೆ.
3. ಮೊಡವೆಗಳಿಗೆ ರಾಮಬಾಣ-ಮುಖದಲ್ಲಿ ಹೆಚ್ಚು ಮೊಡವೆಗಳು ಉಂಟಾಗುತ್ತಿದ್ದರೆ ಅಡುಗೆ ಸೋಡಾ ಉತ್ತಮವಾದ ಮನೆ ಮದ್ದು. ಒಂದು ಚಮಚದಷ್ಟು ಅಡುಗೆ ಸೋಡಾಕ್ಕೆ ಸ್ವಲ್ಪ ನೀರು ಸೇರಿಸಿ ಪೇಸ್ಟ್‌ ಮಾಡಿ. ಮೊಡವೆಗಳಿರುವ ಭಾಗಕ್ಕೆ ಇದನ್ನು ಹಚ್ಚಿ. 15 ನಿಮಿಷ ಹಾಗೆಯೇ ಬಿಟ್ಟು ಬಿಡಿ. ತಣ್ಣನೆ ನೀರಿನಿಂದ ಮುಖ ತೊಳೆದು ಬಿಡಿ. ಕೆಲ ದಿನಗಳ ವರೆಗೆ ಇದನ್ನು ನಿರಂತರವಾಗಿ ಮಾಡುವುದರಿಂದ ಇರುವ ಮೊಡವೆಗಳು ಕಾಣೆಯಾಗುತ್ತವೆ ಮಾತ್ರವಲ್ಲದೆ ಹೊಸ ಮೊಡವೆಗಳ ಹುಟ್ಟನ್ನೂ ತಡೆಯುತ್ತವೆ.
4.ಚರ್ಮದ ಅಸಮತೋಲನ ಬಣ್ಣ ಸರಿಪಡಿಸಬಹುದು–ಪನ್ನೀರು (ರೋಸ್‌ ವಾಟರ್) ಹಾಗೂ ಅಡಿಗೆ ಸೋಡಾದ ಪೇಸ್ಟ್‌ ಮಾಡಿಕೊಳ್ಳಿ. ರೋಸ್‌ ವಾಟರ್ ಚರ್ಮದ ಪಿಎಚ್‌ ಲೆವೆಲ್‌ ಸರಿಯಾದ ಪ್ರಮಾಣದಲ್ಲಿರಲು ಸಹಕರಿಸುತ್ತದೆ. ಅಡಿಗೆ ಸೋಡಾ ಹಾಗೂ ರೋಸ್‌ ವಾಟರ್ ಪೇಸ್ಟ್‌ ಅನ್ನು ಬಣ್ಣ ಬದಲಾದ ಮುಖದ ಭಾಗಕ್ಕೆ ಹಚ್ಚಿ. ಪೇಸ್ಟ್‌ ಮುಖದಲ್ಲೇ ಒಣಗಲಿ. ಬಳಿಕ ತಣ್ಣನೆ ನೀರಿನಿಂದ ತೊಳೆದು ಬಿಡಿ. ವಾರಕ್ಕೆ 2 ಬಾರಿ ಹೀಗೆ ಮಾಡುವುದರಿಂದ ಬಣ್ಣ ಸಮತೋಲನವಾಗುತ್ತದೆ.
5. ಕಪ್ಪು ಕಲೆ(ಬ್ಲಾಕ್‌ ಶೇಡ್‌)ಗಳಿಗೆ ಹೇಳಿ ಗುಡ್‌ಬೈ!–ನಿಮ್ಮ ಟೂತ್‌ಪೇಸ್ಟ್‌ಗೆ ಒಂದು ಚಮದಷ್ಟು ಅಡಿಗೆ ಸೋಡಾವನ್ನು ಮಿಕ್ಸ್ ಮಾಡಿಕೊಳ್ಳಿ. ಮುಖದ ಮೇಲೆ ಕಪ್ಪು ಕಲೆಗಳ ಮೇಲೆ ಇವುಗಳನ್ನು ಹಚ್ಚಿ, ಮೆದುವಾಗಿ ಉಜ್ಜಿಬಿಡಿ. ಅಡಿಗೆ ಸೋಡಾಕ್ಕಿರುವ ವಿಶೇಷ ಗುಣದಿಂದ ಕಪ್ಪು ಕಲೆಗಳನ್ನು ತೆಗೆಯಬಹುದು!
6. ಇನ್ನಷ್ಟು ಕಾಂತಿಯುತ ತ್ವಚೆ ನಿಮ್ಮದಾಗಿಸಿಕೊಳ್ಳಿ- ಸೇಬಿನ ರಸಕ್ಕಿರುವ ಒಂದು ವಿಶೇಷ ಗುಣ ಏನೆಂದರೆ, ಸುಕ್ಕು ಕಟ್ಟುವ ಚರ್ಮವನ್ನು ಸರಿಪಡಿಸುವುದು. ಚರ್ಮದಲ್ಲಿ ಸತ್ತಿರುವ ಜೀವಾಣುಗಳನ್ನು ಇವುಗಳು ದೂರ ಮಾಡುತ್ತವೆ. ಒಂದು ಚಮಚ ಸೇಬು ರಸ ಹಾಗೂ ಅಡುಗೆ ಸೋಡವನ್ನು ಮಿಕ್ಸ್ ಮಾಡಿಕೊಳ್ಳಿ. ಮುಖಕ್ಕೆ ಚೆನ್ನಾಗಿ ಹಚ್ಚಿಕೊಳ್ಳಿ. ಮುಖಕ್ಕೆ ಈ ಮಿಶ್ರಣದಲ್ಲಿ ಚೆನ್ನಾಗಿ ಮಸಾಜ್‌ ಮಾಡಿಕೊಳ್ಳಿ. ಒಣಗಲು ಶುರುವಾಗುತ್ತಿದ್ದಂತೆಯೇ ತೊಳೆದುಕೊಳ್ಳಿ. ಮುಖದ ಕಾಂತಿ ಹೆಚ್ಚಾಗುತ್ತದೆ.