ಒಂದೊಂದು ಹೆಸರಿನ ಒಂದೊಂದು ಅಕ್ಷರಕ್ಕೂ ಅರ್ಥಗಳಿರುತ್ತವೆ ಎಂದರೆ ತಪ್ಪಲ್ಲ. ಅದರಲ್ಲೂ ಮೊದಲನೇಯ ಅಕ್ಷರಕ್ಕೆ ಬಹಳ ಮಹತ್ವ ಇರುತ್ತದೆ. ನಿಮ್ಮ ಹೆಸರು R ಅಕ್ಷರದಿಂದ ಆರಂಭವಾಗುತ್ತಿದ್ದರೆ, ನಿಮ್ಮ ವ್ಯಕ್ತಿತ್ವ ಹೇಗಿರಲಿದೆ ಎಂಬುದು ಇಲ್ಲಿದೆ.
ಈ ಅಕ್ಷರದಿಂದ ಪ್ರಾರಂಭವಾಗುವ ಹೆಸರಿನ ಜನರು ಸದ್ಗುಣಶೀಲರು, ಶಕ್ತಿಯುತ, ಆಕರ್ಷಕ ಹಾಗೂ ಪ್ರಭಾವಶಾಲಿ ಮತ್ತು ಜನಪ್ರಿಯರಾಗಿರುತ್ತಾರೆ. ಈ ಹೆಸರಿನ ಜನರು ಜೀವನದಲ್ಲಿ ಆಳವಾದ ಅರ್ಥವನ್ನು ಹುಡುಕುತ್ತಾರೆ.
ಬಹಳ ಸುಲಭವಾಗಿ ಸ್ನೇಹಿತರನ್ನು ಮಾಡಿಕೊಳ್ಳುವ ಗುಣ ಇದಾಗಿದ್ದು, ಸ್ನೇಹಿತರ ವಲಯಕ್ಕೆ ಸಹಾಯ ಮಾಡಲು ಸಿದ್ಧರಿರುತ್ತಾರೆ. ಜನರ ಮೇಲೆ ಪ್ರಭಾವ ಬೀರುವ ಅವರ ಸಾಮರ್ಥ್ಯವು ಅವರನ್ನು ವೃತ್ತಿಜೀವನದಲ್ಲಿ ಯಶಸ್ವಿಯಾಗುವಂತೆ ಮಾಡುತ್ತದೆ.
ಮಾಧ್ಯಮ, ವಿನ್ಯಾಸ, ಗ್ಲಾಮರ್, ಕ್ರೀಡೆ ಮತ್ತು ಸಂಗೀತ ಕ್ಷೇತ್ರದಲ್ಲಿ ಈ ಜನರಿಗೆ ಹೆಚ್ಚು ಲಾಭ ಸಿಗಲಿದೆ. ಅಲ್ಲದೇ ಇತರರು ಇವರನ್ನು ಹುರಿದುಂಭಿಸುವ ಅವಶ್ಯಕತೆ ಇಲ್ಲ. ತಮಗಾಗಿ ಅವರು ಯಾವುದೇ ರಿಸ್ಕ್ ತೆಗೆದುಕೊಳ್ಳಲು ಸಿದ್ಧರಿರುತ್ತಾರೆ.
ಇವರಿಗೆ ಐಷಾರಾಮಿ ಮತ್ತು ಸಮೃದ್ಧಿಯ ಜೀವನ ಎಂದರೆ ಬಹಳ ಇಷ್ಟ. ಆದರೆ ಹಣವನ್ನು ಗಳಿಸುವ ತಪ್ಪು ಮಾರ್ಗವನ್ನು ಅಳವಡಿಸಿಕೊಳ್ಳುವುದಿಲ್ಲ. ಈ ಆಲ್ಫಾಬೆಟ್ ನಿಂದ ಹೆಸರು ಹೊಂದಿರುವ ಮಹಿಳೆಯರು ಮನೆಕೆಲಸಕ್ಕೆ ಮೀಸಲಾಗಿರುತ್ತಾರೆ ಎನ್ನಲಾಗುತ್ತದೆ.
ದೈಹಿಕ ವ್ಯಾಯಾಮವನ್ನು ಮಾಡುವುದು ಅನಿವಾರ್ಯ, ಇಲ್ಲದಿದ್ದರೆ ಆರೋಗ್ಯ ಸಮಸ್ಯೆಗಳು ಕಾಡಬಹುದು. ಈ ಹೆಸರಿನ ಮಕ್ಕಳು ಶಾಲೆಗಳು ಮತ್ತು ಕಾಲೇಜುಗಳಲ್ಲಿ ಜನಪ್ರಿಯತೆಯನ್ನು ಗಳಿಸುತ್ತಾರೆ.
ಅಲ್ಲದೇ, ಕಂಪ್ಯೂಟರ್, ಕ್ರೀಡೆ, ಜ್ಯೋತಿಷ್ಯ, ವೇದ ವಿಜ್ಞಾನ, ಖಗೋಳಶಾಸ್ತ್ರ, ಸಂಗೀತ ಮತ್ತು ನೃತ್ಯ ಶಾಲೆಗಳ ವ್ಯಾಪಾರ, ತಂತ್ರಜ್ಞಾನ, ತರಬೇತಿ ಕ್ಷೇತ್ರದಲ್ಲಿ ಹೆಸರುಗಳಿಸುತ್ತಾರೆ.
ಅದೃಷ್ಟದ ಬಣ್ಣಗಳು ಕೆಂಪು ಮತ್ತು ಗುಲಾಬಿ, ಮಂಗಳವಾರ ಅದೃಷ್ಟದ ದಿನ, ಅದೃಷ್ಟ ಸಂಖ್ಯೆ 9, ಯಾವಾಗಲೂ ಬೆಳಗ್ಗೆ ನಿಮ್ಮ ಬಲಗೈಯ ಉಂಗುರದ ಬೆರಳಿನಿಂದ ಕುಂಕುಮವನ್ನು ಹಚ್ಚಿಕೊಳ್ಳಿ. ಆಶ್ರಮಗಳಿಗೆ ಅಥವಾ ಭಿಕ್ಷುಕರಿಗೆ ಕೆಂಪು ಮಸೂರವನ್ನು ದಾನ ಮಾಡಿ