ಶ್ರೀಮಂತರಾಗೋ ಕನಸನ್ನು ಎಲ್ಲರೂ ಕಾಣುತ್ತಾರೆ. ಪ್ರತಿಯೊಬ್ಬ ಸಾಮಾನ್ಯನು ಶ್ರೀಮಂತನಾಗೋ ಕನಸು ಕಾಣುತ್ತಾನೆ. ಕನಸು ಕಾಣೋದಷ್ಟೆ ಯಾಕೆ ಸಾಕಷ್ಟು ಕಷ್ಟ ಪಟ್ಟು ಹಗಲು ಇರುಳು ದುಡಿಯುತ್ತಾನೆ. ಆದ್ರೆ ಕೆಲವರು ಎಷ್ಟೇ ಕಷ್ಟ ಪಟ್ಟು ದುಡಿದರೂ, ಕನಸು ಕಂಡರೂ ಅವರ ಕೈಯಲ್ಲಿ ಧನ ಲಕ್ಷ್ಮೀ ನಿಲ್ಲೋದೇ ಇಲ್ಲ . ಅದಕ್ಕೆ ಕೆಲವರು ಹೇಳೋದು ನಾವು ಪಡೋ ಕಷ್ಟದ, ಶ್ರಮದ ಜೊತೆ ಅದೃಷ್ಟ ಅನ್ನೋದನ್ನೂ ಪಡೆದುಕೊಂಡು ಬಂದಿರಬೇಕು . ಧನ ಲಕ್ಷ್ಮೀ ಬೇಕು ಅಂದ್ರೆ ಅದೃಷ್ಟ ಲಕ್ಷ್ಮೀ ಸಹ ನಮ್ಮ ಜೊತೆ ಇರಬೇಕು. ಈ ಅದೃಷ್ಟ ನಮ್ಮ ಕೈಯಲ್ಲಿ ಇರುವ ರೇಖೆಗಳಿಂದ ನಿರ್ಧರಿತವಾಗುತ್ತೆ. ಆ ಅದೃಷ್ಟ ರೇಖೆಗಳು ಯಾವುವು ಎನ್ನುವುದನ್ನು ಇಲ್ಲಿ ವಿವರಿಸಲಾಗಿದೆ.
ಮೂರು ಪರ್ವತಗಳನ್ನು ಒಳಗೊಂಡಿರುವ ರೇಖೆಗಳು
ಒಬ್ಬ ವ್ಯಕ್ತಿಯು ಸೂರ್ಯನ ಪರ್ವತ, ಶುಕ್ರ ಮತ್ತು ಗುರು ಪರ್ವತವನ್ನು ಹೊಂದಿದ್ದರೆ, ಅವನು ಶ್ರೀಮಂತನಾಗುವುದನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ. ನಿಧಾನಗತಿಯಲ್ಲಿ ಆಗುವಂತಹ ಯಶಸ್ಸು ಅವರು ಇಡುವ ಹೆಜ್ಜೆಗಳನ್ನು ಹಿಂಬಾಲಿಸುತ್ತದೆ ಮತ್ತು ಅವರು ಕೋಟ್ಯಾಧಿಪತಿ ಆಗುವುದು ಖಂಡಿತ.
ಅಂಗೈಯಲ್ಲಿ ಈ ರೇಖೆಗಳನ್ನು ಎಳೆಯಿರಿ
ಅಂಗೈಯಲ್ಲಿರುವ ಜೀವನ ರೇಖೆ, ಬುದ್ಧಿ ರೇಖೆ ಮತ್ತು ಅದೃಷ್ಟ ರೇಖೆಗಳನ್ನು ಕೂಡಿಸಿದಾಗ ಅದು ಇಂಗ್ಲಿಷ್ M ಆಕಾರ ಪಡೆದುಕೊಂಡರೆ ಆ ವ್ಯಕ್ತಿಯು ತನ್ನ 35 ರಿಂದ 55 ವರ್ಷ ವಯಸ್ಸಿನಲ್ಲಿ ಶ್ರೀಮಂತನಾಗುತ್ತಾನೆ ಎಂಬ ನಂಬಿಕೆ ಇದೆ. ಇಂತವರು ಜನರು ತಮ್ಮ ಇಡೀ ಜೀವನವನ್ನು ಐಷಾರಾಮದಿಂದ ಕಳೆಯುತ್ತಾರೆ. ಅವರು ಎಂದಿಗೂ ಹಣದ ಕೊರತೆಯನ್ನು ಎದುರಿಸುವುದಿಲ್ಲ ಎಂದು ಹೇಳಲಾಗುತ್ತದೆ.
ಶನಿ ಪರ್ವತವನ್ನು ಮುಟ್ಟುವ ಅದೃಷ್ಟ ರೇಖೆ
ಯಾವುದೇ ವ್ಯಕ್ತಿಯ ಅಂಗೈಯಲ್ಲಿನ ಅದೃಷ್ಟದ ರೇಖೆಯು ಮಣಕಟ್ಟಿನಿಂದ ನೇರವಾಗಿ ಶನಿ ಪರ್ವತವನ್ನು ಮುಟ್ಟಿದರೆ, ಅಂತಹ ಜನರು ಅನಿರೀಕ್ಷಿತವಾಗಿ ಹಣವನ್ನು ಪಡೆಯುತ್ತಾರೆ. ವ್ಯವಹಾರದಲ್ಲಿ ಯಾವುದೇ ಒಪ್ಪಂದದ ಸಂದರ್ಭದಲ್ಲಿ ಅವರು ವಿಶೇಷ ಪ್ರಯೋಜನಗಳನ್ನು ಪಡೆಯುತ್ತಾರೆ ಮತ್ತು ಭವಿಷ್ಯದಲ್ಲಿಯೂ ಅವರ ಎಲ್ಲಾ ಯೋಜನೆಗಳು ಯಶಸ್ವಿಯಾಗುತ್ತವೆ. ಅವರು ಅತ್ಯಂತ ಸುಖೀ ಹಾಗು ಸಂತೋಷದ ಜೀವನವನ್ನು ನಡೆಸುತ್ತಾರೆ.
ಅಂಗೈಯಲ್ಲಿ ಮೂಡುವ ತ್ರಿಕೋನ
ಮೆದುಳಿನ ರೇಖೆ, ಭಾಗ್ಯ ರೇಖೆ ಮತ್ತು ಜೀವನ ರೇಖೆಗಳಿಂದ ರೂಪುಗೊಂಡ ತ್ರಿಕೋನವನ್ನು ತಮ್ಮ ಅಂಗೈಯಲ್ಲಿ ಹೊಂದಿರುವವರು ತಮ್ಮ ಜೀವನದಲ್ಲಿ ಸಾಕಷ್ಟು ಯಶಸ್ಸನ್ನು ಸಾಧಿಸುತ್ತಾರೆ ಹಾಗೂ ಬಹಳ ಶ್ರೀಮಂತರಾಗುತ್ತಾರೆ. ಸಂಪತ್ತು, ವೈಭವ ಮತ್ತು ಸಮೃದ್ಧಿಯೊಂದಿಗೆ ತಮ್ಮ ಜೀವನವನ್ನು ನಡೆಸುತ್ತಾರೆ. ಇವರಿಗೆ ಸಮಾಜದಲ್ಲಿ ದೊಡ್ಡ ಹೆಸರೂ ಸಿಗುತ್ತದೆ.
ಭಾಗ್ಯ ರೇಖೆಯಿಂದ ಹೊರ ಬರುವ ಇನ್ನೊಂದು ರೇಖೆ
ಯಾರ ಕೈಯಿಂದ ಭಾಗ್ಯ ರೇಖೆಯಿಂದ ಹೊರ ಬಂದ ಇನ್ನೊಂದು ರೇಖೆಯು ಸೂರ್ಯನ ಪರ್ವತ ಸೇರುತ್ತದೋ ಅಂತವರು ತಮ್ಮ ಜೀವನದಲ್ಲಿ ಹೆಚ್ಚಿನ ಪ್ರಗತಿಯನ್ನು ಸಾಧಿಸುತ್ತಾರೆ ಮತ್ತು ಪ್ರಗತಿಯನ್ನು ಕಾಣುತ್ತಾರೆ. ಅವರು ಎಂದಿಗೂ ಹಣದ ಕೊರತೆಯನ್ನು ಅನುಭವಿಸುವುದಿಲ್ಲ. ಮತ್ತು ಅವರ ಜೀವನದಲ್ಲಿ ಹಣದ ಕಾರಣದಿಂದಾಗಿ ಯಾವುದೇ ಕೆಲಸ ನಿಲ್ಲುವುದಿಲ್ಲ.
ಶನಿ ಪರ್ವತವನ್ನು ಕತ್ತರಿಸುವ ರೇಖೆ
ನಿಮ್ಮ ಕೈಯಲ್ಲಿನ ಹೆಬ್ಬೆರಳಿನ ಕೆಳಗೆ ಒಂದು ರೇಖೆ ಹಾದುಹೋಗುವ ಮೂಲಕ, ಶನಿ ಪರ್ವತವನ್ನು ಕತ್ತರಿಸುವ ಮೂಲಕ ಮತ್ತಷ್ಟು ಮುಂದೆ ಹೋದರೆ, ಅಂತಹ ಜನರು ಜೀವನದಲ್ಲಿ ಉನ್ನತ ಸ್ಥಾನವನ್ನು ಪಡೆಯುತ್ತಾರೆ. ಅವರು ಸರ್ಕಾರಿ ಇಲಾಖೆಯಲ್ಲಿ ದೊಡ್ಡ ಹೆಸರನ್ನು ಹೊಂದುತ್ತಾರೆ ಮತ್ತು ಅವರ ಕೆಲಸವು ಯಾವುದೇ ಕಾರಣಕ್ಕೂ ನಿಲ್ಲುವುದಿಲ್ಲ.