ಮಧುಮೇಹ ಹೊಂದಿರುವವರು ಸಾಧ್ಯವಾದಷ್ಟು ತಾವು ಸೇವನೆ ಮಾಡುವ ಕಾರ್ಬೋಹೈಡ್ರೇಟ್ ಅಂಶಗಳನ್ನು ಹೊಂದಿರುವ ಆಹಾರಗಳಿಂದ ಸ್ವಲ್ಪ ದೂರವಿರಬೇಕು. ಜನರು ಇದೇ ಕಾರಣದಿಂದ ಆಲೂಗಡ್ಡೆ ಗಳ ಸೇವನೆಯಿಂದ ಸಂಪೂರ್ಣವಾಗಿ ದೂರವಾಗಿ ಇತರ ಆಹಾರಗಳ ಕಡೆಗೆ ಮನಸ್ಸು ಮಾಡಲು ಮುಂದಾಗುತ್ತಾರೆ.
ಆಲೂಗಡ್ಡೆಗಳಲ್ಲಿ ನಿಮ್ಮ ದೇಹದ ಸಕ್ಕರೆ ಪ್ರಮಾಣವನ್ನು ಅಷ್ಟೊಂದು ಪ್ರಮಾಣದಲ್ಲಿ ಹೆಚ್ಚು ಮಾಡಿ ನಿಮ್ಮ ಆರೋಗ್ಯವನ್ನು ಇಕ್ಕಟ್ಟಿಗೆ ಸಿಲುಕಿಸುವಂತಹ ಅಂಶವಾದರೂ ಏನಿದೆ ? ಮಧುಮೇಹಿಗಳು ತಮ್ಮ ನಿಯಂತ್ರಣಕ್ಕೆ ಬರದ ಮಧುಮೇಹದ ಸಮಸ್ಯೆಯ ಸಂದರ್ಭದಲ್ಲಿ ಆಲೂಗಡ್ಡೆಗಳನ್ನು ಸೇವಿಸಬಹುದೇ? ಎಂಬ ಇತ್ಯಾದಿ ಪ್ರಶ್ನೆಗಳ ವಿಚಾರವಾಗಿ ಈ ಲೇಖನದಲ್ಲಿ ಹಲವರ ಗೊಂದಲಗಳಿಗೆ ತೆರೆ ಎಳೆಯಲಾಗಿದೆ.
ಆಲೂಗಡ್ಡೆಗೂ ಮಧುಮೇಹಕ್ಕೂ ಇರುವ ಸಂಬಂಧ
ಯಾವುದೇ ಸಮಯದಲ್ಲಿ ನಾವು ಕಾರ್ಬೋಹೈಡ್ರೇಟ್ ಆಹಾರಗಳನ್ನು ಸೇವನೆ ಮಾಡಿದಾಗ ನಮ್ಮ ದೇಹ ಅದನ್ನು ಸಾಧಾರಣ ಜೀರ್ಣವಾಗುವ ಸಕ್ಕರೆ ಅಂಶಕ್ಕೆ ಬದಲಾಯಿಸುತ್ತದೆ. ಅಂದರೆ ಕಾರ್ಬೋಹೈಡ್ರೆಟ್ ಅಂಶ ನಮ್ಮ ದೇಹದಲ್ಲಿ ನಾವು ಸೇವಿಸಿದ ಆಹಾರ ಚೆನ್ನಾಗಿ ಜೀರ್ಣವಾದ ನಂತರ ಗ್ಲೂಕೋಸ್ ಅಂಶಕ್ಕೆ ಬದಲಾಗುತ್ತದೆ.ಗ್ಲೂಕೋಸ್ ಅಂಶಗಳು ನಮ್ಮ ರಕ್ತ ಸಂಚಾರದಲ್ಲಿ ಬೆರೆತು ದೇಹದ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ಅಂದರೆ ಮಧುಮೇಹ ಮಟ್ಟವನ್ನು ಹೆಚ್ಚು ಮಾಡುತ್ತದೆ. ಒಬ್ಬ ಆರೋಗ್ಯವಂತ ವ್ಯಕ್ತಿಯಲ್ಲಿ ಇದನ್ನು ತಕ್ಷಣಕ್ಕೆ ನಿಯಂತ್ರಣ ಮಾಡಲು ಅಗತ್ಯ ಪ್ರಮಾಣದ ಇನ್ಸುಲಿನ್ ಹಾರ್ಮೋನ್ ಉತ್ಪತ್ತಿಯಾಗುತ್ತದೆ.
ಇನ್ಸುಲಿನ್ ಹಾರ್ಮೋನ್ ಗ್ಲೂಕೋಸ್ ಅಂಶವನ್ನು ಜೀವ ಕೋಶಗಳಿಗೆ ಹರಿ ಬಿಟ್ಟು, ಶಕ್ತಿಯ ರೂಪದಲ್ಲಿ ಅದನ್ನು ಬಳಕೆ ಮಾಡಿಕೊಳ್ಳಲು ನೆರವಾಗುತ್ತದೆ. ಆದರೆ ಮಧುಮೇಹ ಹೊಂದಿರುವ ವ್ಯಕ್ತಿಗಳಲ್ಲಿ ಇದು ಸಾಧ್ಯ ಆಗುವುದಿಲ್ಲ.ಏಕೆಂದರೆ ಅಷ್ಟು ಪ್ರಮಾಣದ ಇನ್ಸುಲಿನ್ ಉತ್ಪತ್ತಿ ನಡೆಯದೆ ಗ್ಲೂಕೋಸ್ ಅಂಶಗಳ ಕಣಗಳು ಜೀವ ಕೋಶಗಳನ್ನು ಸೇರುವಲ್ಲಿ ವಿಫಲವಾಗಿ ರಕ್ತದಲ್ಲಿ ಉಳಿದುಕೊಂಡು ಸಕ್ಕರೆ ಪ್ರಮಾಣವನ್ನು ಜಾಸ್ತಿ ಮಾಡಿ ಮಧುಮೇಹವನ್ನು ನಿಯಂತ್ರಣಕ್ಕೆ ಸಿಗದಂತೆ ಮಾಡುತ್ತವೆ.
ಆಲೂಗಡ್ಡೆ ಮಧುಮೇಹ ರೋಗಿಗಳಿಗೆ ಒಳ್ಳೆಯದೇ ?
ಒಂದು ವಿಚಾರವನ್ನು ನೀವು ಗಮನಿಸಬೇಕು. ಮಧುಮೇಹ ಹೊಂದಿದ ವ್ಯಕ್ತಿಗಳು ಆಲೂಗಡ್ಡೆಗಳನ್ನು ಸೇವಿಸಿದರೆ ಆರೋಗ್ಯಕ್ಕೆ ಏನಾದರೂ ತೊಂದರೆ ಇದೆಯೇ ಎಂಬ ಭಾವನೆ ಹಲವಾರು ಸಕ್ಕರೆ ಕಾಯಿಲೆ ಹೊಂದಿದ ವ್ಯಕ್ತಿಗಳಲ್ಲಿ ಕಾಡುತ್ತದೆ. ನಿಮ್ಮ ಈ ಗೊಂದಲಕ್ಕೆ ಪರಿಹಾರ ಇಲ್ಲಿದೆ. ಆಲೂಗಡ್ಡೆಯಲ್ಲಿ ಸ್ಟಾರ್ಚ್ ಪ್ರಮಾಣ ತುಂಬಾ ಹೆಚ್ಚಿರುವ ಕಾರಣ ನಿಮಗೆ ಇಂತಹ ಒಂದು ಅನುಮಾನಕ್ಕೆ ಎಡೆಮಾಡಿಕೊಡುತ್ತದೆ.
ಆದರೆ ಸಕ್ಕರೆ ಕಾಯಿಲೆ ಹೊಂದಿರುವ ಯಾವುದೇ ವ್ಯಕ್ತಿಗಳು ಆಲೂಗಡ್ಡೆಯನ್ನು ಒಂದು ಆರೋಗ್ಯಕರ ಆಹಾರವಾಗಿ ಸೇವನೆ ಮಾಡಬಹುದು ಎಂದು ಆರೋಗ್ಯದ ಸಂಶೋಧನೆ ಹೇಳುತ್ತದೆ. ಆದರೆ ಈ ಸಮಯದಲ್ಲಿ ಇನ್ನಿತರ ಆಹಾರಗಳಲ್ಲಿ ಸಿಗುವ ಕಾರ್ಬೋಹೈಡ್ರೇಟ್ ಅಂಶಗಳನ್ನು ಸೇವನೆ ಮಾಡುವಲ್ಲಿ ಸ್ವಲ್ಪ ಎಚ್ಚರ ವಹಿಸಬೇಕು.
ಆಲೂಗಡ್ಡೆಗಳಲ್ಲಿರುವ ಪೋಷಕಾಂಶಗಳು
ಅದೂ ಅಲ್ಲದೆ ಆಲೂಗಡ್ಡೆಗಳು ನಾರಿನ ಅಂಶದಲ್ಲಿ ತುಂಬಾ ಹೆಚ್ಚಿದ್ದು, ಬಹಳಷ್ಟು ಹೆಚ್ಚಿನ ಕಾಲ ನಿಮಗೆ ಹೊಟ್ಟೆ ಹಸಿವಾಗದಂತೆ ನೋಡಿಕೊಳ್ಳುತ್ತದೆ.ಜೊತೆಗೆ ಆಲೂಗಡ್ಡೆಯಲ್ಲಿ ಇನ್ನಿತರ ಪೌಷ್ಟಿಕ ಸತ್ವ ಗಳಾದ ಜಿಂಕ್, ಮ್ಯಾಂಗನೀಸ್, ಪೊಟ್ಯಾಷಿಯಂ, ಕಬ್ಬಿಣ, ವಿಟಮಿನ್ ‘ ಬಿ ‘ ಮತ್ತು ವಿಟಮಿನ್ ‘ ಸಿ ‘ ಅಂಶಗಳು ಸಾಕಷ್ಟಿವೆ.ಒಬ್ಬ ಸಕ್ಕರೆ ಕಾಯಿಲೆ ಹೊಂದಿದ ವ್ಯಕ್ತಿ ಪ್ರತಿದಿನ ಕನಿಷ್ಠ 50 ಗ್ರಾಂ ನಿಂದ ಗರಿಷ್ಠ 150 ಗ್ರಾಂ ವರೆಗೆ ಕಾರ್ಬೋಹೈಡ್ರೇಟ್ ಅಂಶಗಳನ್ನು ಸೇವಿಸಬಹುದು. ಆತನ ಆರೋಗ್ಯದ ಸ್ಥಿತಿ ನೋಡಿಕೊಂಡು ಕಾರ್ಬೋಹೈಡ್ರೇಟ್ ಅಂಶಗಳನ್ನು ಈ ಪ್ರಮಾಣದ ಒಳಗೆ ಹೆಚ್ಚು ಅಥವಾ ಕಡಿಮೆ ಮಾಡಿಕೊಳ್ಳಬಹುದು.
ಆಲೂಗಡ್ಡೆಗಳು ಮತ್ತು ಕಾರ್ಬೋಹೈಡ್ರೇಟ್ ಅಂಶ
ಒಂದು ಸಣ್ಣ ಗಾತ್ರದ ಆಲೂಗಡ್ಡೆಯಲ್ಲಿ ಸುಮಾರು 30 ಗ್ರಾಂ ಕಾರ್ಬೋಹೈಡ್ರೆಟ್ ಅಂಶ ಇದ್ದು, ಒಂದು ದೊಡ್ಡ ಗಾತ್ರದ ಆಲೂಗಡ್ಡೆಯಲ್ಲಿ ಸುಮಾರು 65 ಗ್ರಾಂ ಕಾರ್ಬೋಹೈಡ್ರೆಟ್ ಅಂಶ ಇದೆ ಎಂದು ಒಂದು ಅಧ್ಯಯನ ಹೇಳುತ್ತದೆ.ಆದರೆ ಮನುಷ್ಯನ ದೇಹಕ್ಕೆ ಆಲೂಗಡ್ಡೆಗಳಿಂದ ಕಾರ್ಬೋಹೈಡ್ರೇಟ್ ಅಂಶ ಹೇಗೆ ಸೇರುತ್ತದೆ ಎಂಬುದು ಆಲೂಗಡ್ಡೆಗಳನ್ನು ಬಳಸಿಕೊಂಡು ಆಹಾರ ತಯಾರು ಮಾಡುವ ವಿಧಾನದ ಮೇಲೆ ನಿಂತಿರುತ್ತದೆ.
ಆಲೂಗಡ್ಡೆಗಳನ್ನು ಸೇವಿಸುವ ಸರಿಯಾದ ವಿಧಾನ
ಮೇಲಿನ ಅಂಕಿ ಅಂಶಗಳನ್ನು ನೋಡುವುದಾದರೆ ಎಣ್ಣೆಯಲ್ಲಿ ಕರಿದ ಆಲೂಗಡ್ಡೆ ಹೆಚ್ಚಿನ ಪ್ರಮಾಣದ ಕಾರ್ಬೋಹೈಡ್ರೇಟ್ ಅಂಶವನ್ನು ಹೊಂದಿದೆ.ಆದ್ದರಿಂದ ಸಾಧ್ಯವಾದಷ್ಟು ನೀರಿನಲ್ಲಿ ಬೇಯಿಸಿದ ಆಲೂಗಡ್ಡೆ ಗಳನ್ನು ಇದರ ನಾರಿನ ಅಂಶವನ್ನು ಹೆಚ್ಚಾಗಿ ಹೊಂದಿರುವ ತರಕಾರಿಗಳ ಜೊತೆ ಅಂದರೆ ಉದಾಹರಣೆಗೆ ಬೀನ್ಸ್ ಜೊತೆಗೆ ಸೇವಿಸುವ ಅಭ್ಯಾಸ ಮಾಡಿ ಕೊಂಡರೆ ಒಳ್ಳೆಯದು.
ಇದು ನಮ್ಮ ದೇಹದ ಜೀರ್ಣ ಪ್ರಕ್ರಿಯೆಯನ್ನು ನಿಧಾನ ಗೊಳಿಸಿ ದೇಹದ ರಕ್ತದಲ್ಲಿ ಸಕ್ಕರೆ ಪ್ರಮಾಣವನ್ನು ನಿಯಂತ್ರಣ ಮಾಡುವಲ್ಲಿ ಯಶಸ್ಸು ಕಾಣುತ್ತದೆ.ಆಲೂಗಡ್ಡೆಗಳಲ್ಲಿ ಹೆಚ್ಚಿನ ಪ್ರಮಾಣದ ‘ ಗ್ಲೈಸೆಮಿಕ್ ಸೂಚ್ಯಂಕ ‘ ಇದೆ ಎಂದು ಹೇಳುತ್ತಾರೆ.ಆದರೂ ಕೇವಲ ಗ್ಲೈಸೆಮಿಕ್ ಸೂಚ್ಯಂಕ ವನ್ನು ಮನುಷ್ಯನ ದೇಹದ ಮೇಲೆ ಉಂಟಾಗುವ ಸಕ್ಕರೆ ಪ್ರಮಾಣದ ಮೇಲೆ ಅವಲಂಬಿತವಾಗಿಸಲು ಬಳಸಿಕೊಳ್ಳಲು ಸಾಧ್ಯವಿಲ್ಲ. ಕೇವಲ ಆಲೂಗಡ್ಡೆ ಮಾತ್ರವಲ್ಲದೆ ನೀವು ಯಾವುದೇ ಸ್ಟಾರ್ಚ್ ಅಂಶವನ್ನು ಹೊಂದಿರುವ ಆಹಾರಗಳನ್ನು ಸೇವಿಸುವ ವಿಚಾರದಲ್ಲಿ ಸಾಕಷ್ಟು ಎಚ್ಚರಿಕೆ ವಹಿಸಬೇಕು.ನಿಮ್ಮ ಆಹಾರ ತಟ್ಟೆಯಲ್ಲಿ ಇತರ ಪುಷ್ಟಿಕ ಸತ್ವಗಳ ಪ್ರಮಾಣಕ್ಕೆ ಹೋಲಿಸಿದರೆ, ಕೇವಲ ಕಾಲು ಭಾಗ ಮಾತ್ರ ಸ್ಟಾರ್ಟ್ ಅಂಶ ಹೊಂದಿರುವ ಆಹಾರ ಇರುವಂತೆ ನಿಯಂತ್ರಣ ಕಾಯ್ದು ಕೊಳ್ಳಬೇಕು.
ಆಲೂಗಡ್ಡೆಗಳಿಗೆ ಬದಲಿ ಆಹಾರ ಯಾವುದು?
ಆಲೂಗಡ್ಡೆಗಳ ಸಹವಾಸವೇ ಬೇಡ ಎನ್ನುವ ಮಧುಮೇಹಿಗಳು ಸಂಪೂರ್ಣವಾಗಿ ನಿಮ್ಮ ಆಹಾರ ಪದ್ಧತಿಯಿಂದ ಇವುಗಳನ್ನು ದೂರ ಇಡಬಹುದು. ಆದರೆ ಆಲೂಗಡ್ಡೆಗಳ ಬದಲು ಇನ್ನು ಕೆಲವು ದೇಹಕ್ಕೆ ಆರೋಗ್ಯಕರ ಎನಿಸಿದ ತರಕಾರಿಗಳನ್ನು ಸೇವನೆ ಮಾಡಬಹುದು ಎಂದರೆ ಸಿಹಿ ಗೆಣಸು,ಬ್ರೊಕೋಲಿ,
ಕ್ಯಾರೆಟ್,ಹೂಕೋಸು,ದಪ್ಪ ಮೆಣಸಿನಕಾಯಿ,ಪಾಲಾಕ್ ಸೊಪ್ಪು ಮತ್ತು ಇತರ ಹಸಿರು ಎಲೆ ತರಕಾರಿಗಳು, ಟೊಮೆಟೊ ಹಣ್ಣುಗಳು.