ಆರೋಗ್ಯದ ಕಾಳಜಿ ಇರುವ ವ್ಯಕ್ತಿಗಳು ತಮ್ಮ ಆಹಾರವೂ ಅತ್ಯುತ್ತಮ ಆರೋಗ್ಯ ನೀಡುವಂತೆ ಇರಬೇಕು ಎಂಬ ನಿಟ್ಟಿನಲ್ಲಿ ಆಯ್ದುಕೊಳ್ಳುತ್ತಾರೆ. ಹೊಸದನ್ನು ಹುಡುಕುವ ಬದಲು ನಮ್ಮ ಹಿರಿಯರು ಅನುಸರಿಸಿಕೊಂಡು ಆರೋಗ್ಯದ ಖಾತರಿ ಇರುವ ಆಹಾರಗಳನ್ನೇ ಆಯ್ದುಕೊಳ್ಳುವುದು ಜಾಣತನದ ಕ್ರಮ. ಇಂತಹ ಒಂದು ಹಳೆಯ ಸಂಪ್ರದಾಯವೆಂದರೆ ಬೆಳಗ್ಗೆದ್ದ ತಕ್ಷಣ ಪ್ರಥಮ ಆಹಾರವಾಗಿ ಖಾಲಿಹೊಟ್ಟೆಯಲ್ಲಿ ಅರಿಶಿನದ ನೀರನ್ನು ಕುಡಿಯುವುದು. “ಅರಿಶಿನ ನೀರು” ಎಂದೇ ಜನಪ್ರಿಯವಾದ ಈ ನೀರನ್ನು ನಮ್ಮ ಅಡುಗೆಮನೆಯ ನಿತ್ಯದ ಸಾಂಬಾರ ವಸ್ತುವಾದ ಅರಿಶಿನ ಪುಡಿಯಿಂದಲೇ ತಯಾರಿಸಬಹುದು.
ಅರಿಶಿನ ನೀರಿನ ಆರೋಗ್ಯಕರ ಪ್ರಯೋಜನಗಳು
ಆಧುನಿಕ ಸ್ವಾಸ್ಥ್ಯ ವಲಯಗಳಲ್ಲಿ ವೇಗವನ್ನು ಪಡೆಯುತ್ತಿರುವ ಅಂತಹ ಒಂದು ಪ್ರಾಚೀನ ಅಭ್ಯಾಸವೆಂದರೆ ಅರಿಶಿನ ನೀರಿನ ಸೇವನೆ, ಇದನ್ನು ಜನಪ್ರಿಯವಾಗಿ “ಅರಿಶಿನ ನೀರು” ಎಂದು ಕರೆಯಲಾಗುತ್ತದೆ.
ಕರ್ಕುಮಾ ಲಾಂಗಾ ಎಂಬ ಸಸ್ಯದ ಬೇರುಗಳಿಂದ ಪಡೆದ ಅರಿಶಿನವನ್ನು ಆಯುರ್ವೇದ ಮತ್ತು ಸಾಂಪ್ರದಾಯಿಕ ಔಷಧದಲ್ಲಿ ಅದರ ಪ್ರಬಲ ಔಷಧೀಯ ಗುಣಗಳಿಗಾಗಿ ಶತಮಾನಗಳಿಂದ ಔಷಧಿಯಾಗಿ ಬಳಸಲಾಗುತ್ತಿದೆ. ಈ ಚಿನ್ನದ ಬಣ್ಣದ ಅಮೃತವನ್ನು ನಿಮ್ಮ ಬೆಳಗಿನ ಪ್ರಥಮ ಆಹಾರವಾಗಿ ಸೇವಿಸುವ ಮೂಲಕ ಪಡೆಯಬಹುದಾದ ಅಸಂಖ್ಯಾತ ಪ್ರಯೋಜನಗಳನ್ನು ಮತ್ತು ಗರಿಷ್ಠ ಪರಿಣಾಮಕಾರಿತ್ವಕ್ಕಾಗಿ ಇದರ ತಯಾರಿಕಾ ವಿಧಾನಗಳನ್ನು ಪರಿಶೀಲಿಸೋಣ.
ಉರಿಯೂತ ನಿವಾರಕ ಗುಣಗಳು
ಅರಶಿನದಲ್ಲಿ ಕುರ್ಕುಮಿನ್ ಎಂಬ ಸಂಯುಕ್ತ ಪೋಷಕಾಂಶವಿದೆ. ಇದು ಅದರ ಶಕ್ತಿಯುತ ಉರಿಯೂತ ನಿವಾರಕ ಗುಣಗಳಿಂದಾಗಿ ಹೆಸರುವಾಸಿಯಾಗಿದೆ.
ಅರಿಶಿನ ನೀರನ್ನು ನಿಯಮಿತವಾಗಿ ಸೇವಿಸುವುದರಿಂದ ದೇಹದಲಿ ಎದುರಾಗಿದ್ದ ಉರಿಯೂತವನ್ನು ಶಮನಗೊಳಿಸಲು ಸಾಧ್ಯವಾಗುತ್ತದೆ. ಸಂಧಿವಾತ, ಹೃದ್ರೋಗ ಮತ್ತು ಕೆಲವು ಬಗೆಯ ಕ್ಯಾನ್ಸರುಗಳು ಮೊದಲಾದ ದೀರ್ಘಕಾಲೀನ ಕಾಯಿಲೆಗಳು ಎದುರಾಗುವ ಅಪಾಯದ ಸಾಧ್ಯತೆಯನ್ನೂ ಕಡಿಮೆ ಮಾಡುತ್ತದೆ.
ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ
ಅರಿಶಿನದ ಆಂಟಿ ಆಕ್ಸಿಡೆಂಟ್ ಮತ್ತು ಅತಿಸೂಕ್ಷ್ಮಜೀವಿ ನಿವಾರಕ ಗುಣಗಳಿಂದಾಗಿ ಇದನ್ನು ನೈಸರ್ಗಿಕ ರೋಗನಿರೋಧಕ ಎಂದು ಪರಿಗಣಿಸಲಾಗುತ್ತದೆ.
ಈ ಗುಣಗಳು ನಮ್ಮ ದೇಹವನ್ನು ಸೋಂಕುಗಳು ಮತ್ತು ಹಲವು ಕಾಯಿಲೆಗಳು ಎದುರಾಗುವುದರಿಂದ ರಕ್ಷಿಸುತ್ತದೆ. ಪ್ರತಿದಿನ ಅರಿಶಿನ ನೀರನ್ನು ಕುಡಿಯುವುದರಿಂದ ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಬಲಯುತಗೊಳಿಸಬಹುದು, ಶೀತ ಮತ್ತು ಜ್ವರದಂತಹ ಸಾಮಾನ್ಯ ಕಾಯಿಲೆಗಳಿಂದ ಶೀಘ್ರವೇ ಚೇತರಿಸಿಕೊಳ್ಳಲು ನೆರವಾಗುತ್ತದೆ.
ಜೀರ್ಣಾಂಗಗಳ ಆರೋಗ್ಯವನ್ನು ವೃದ್ಧಿಸುತ್ತದೆ
ಅರಿಶಿನವು ಪಿತ್ತರಸದ ಉತ್ಪಾದನೆಗೆ ಚುರುಕು ನೀಡುವ ಮೂಲಕ ಮೂಲಕ ಜೀರ್ಣಕ್ರಿಯೆ ಸುಗಮವಾಗಲು ನೆರವಾಗುತ್ತದೆ, ಇದು ಕೊಬ್ಬನ್ನು ಒಡೆಯಲು ಮತ್ತು ಪೋಷಕಾಂಶಗಳನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.
ಅಷ್ಟೇ ಅಲ್ಲ, ಇದರ ಉರಿಯೂತ ನಿವಾರಕ ಗುಣಗಳು ಹೊಟ್ಟೆ ಉಬ್ಬರಿಕೆ, ವಾಯು ಪ್ರಕೋಪ ಮತ್ತು ಅಜೀರ್ಣದಂತಹ ಕರುಳು ಮತ್ತು ಜಠರಗಳಿಗೆ ಸಂಬಂಧಿಸಿದ ತೊಂದರೆಗಳನ್ನೂ ನಿವಾರಿಸುತ್ತದೆ.
ಆರೋಗ್ಯಕರ ತ್ವಚೆಗೆ ಪೂರಕವಾಗಿದೆ
ಅರಿಶಿನದಲ್ಲಿರುವ ಪ್ರಬಲ ಆಂಟಿ ಆಕ್ಸಿಡೆಂಟುಗಳು ಫ್ರೀ ರ್‍ಯಾಡಿಕಲ್ ಎಂಬ ಕ್ಯಾನ್ಸರ್‌ಕಾರಕ ಕಣಗಳನ್ನು ಎದುರಿಸಲು ಸಹಾಯ ಮಾಡುತ್ತದೆ. ಈ ಕಣಗಳು ತ್ವಚೆಯ ಜೀವಕೋಶಗಳನ್ನು ಹಾನಿಗೊಳಿಸುತ್ತದೆ ಮತ್ತು ವಯಸ್ಸಾಗುವಿಕೆಯನ್ನು ಶೀಘ್ರಗೊಳಿಸುತ್ತವೆ.
ಅರಿಶಿನ ನೀರನ್ನು ನಿಯಮಿತವಾಗಿ ಸೇವಿಸುವುದರಿಂದ ಕಲೆಯಿಲ್ಲದ ತ್ವಚೆ, ಉರಿಯೂತದಿಂದ ಎದುರಾಗುವ ಮೊಡವೆಗಳು ಕಡಿಮೆಯಾಗುತ್ತದೆ ಮತ್ತು ತಾರುಣ್ಯದ ಹೊಳಪನ್ನು ನೀಡುತ್ತದೆ.
ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ನಿರ್ವಹಿಸುತ್ತದೆ
ಕುರ್ಕುಮಿನ್ ಪೋಷಕಾಂಶಕ್ಕೆ ಇನ್ಸುಲಿನ್ ಸಹಿಷ್ಣುತೆಯನ್ನು ಹೆಚ್ಚಿಸುವ ಮತ್ತು ಇನ್ಸುಲಿನ್ ಪ್ರತಿರೋಧವನ್ನು ಕಡಿಮೆ ಮಾಡುವ ಮೂಲಕ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ನಿಯಂತ್ರಿಸಲು ನೆರವಾಗುತ್ತದೆ ಎಂದು ವೈದ್ಯಕೀಯ ಅಧ್ಯಯನಗಳ ಪ್ರಾಥಮಿಕ ವರದಿಗಳು ಸೂಚಿಸುತ್ತದೆ.
ಮಧುಮೇಹಿಗಳು ದಿನನಿತ್ಯವೂ ಅರಿಶಿನ ನೀರನ್ನು ಕುಡಿಯುವ ದಿನಚರಿಯ ಮೂಲಕ ಮಧುಮೇಹವನ್ನು ಸುಲಭವಾಗಿ ನಿರ್ವಹಿಸಬಹುದು ಮತ್ತು ಮಧುಮೇಹಕ್ಕೆ ಸಂಬಂಧಿಸಿದ ತೊಂದರೆಗಳು ಪ್ರಾರಂಭವಾಗುವ ಅಪಾಯದ ಸಾಧ್ಯತೆಯನ್ನೂ ಕಡಿಮೆ ಮಾಡುತ್ತದೆ.ಪ್ರತಿದಿನ ಬೆಳಗ್ಗೆ ಯಾರು ಈ ಟಿಪ್ಸ್ ಫಾಲೋ ಮಾಡ್ತಾರೆ, ಅವರಿಗೆ ಶುಗರ್ ಕಂಟ್ರೋಲ್ ನಲ್ಲಿರುತ್ತೆ!
ತೂಕದ ಇಳಿಕೆಯ ಪ್ರಯತ್ನಗಳಿಗೆ ಸಹಕಾರಿಯಾಗಿದೆ
ಅರಿಶಿನದಲ್ಲಿ ಜೀವರಾಸಾಯನಿಕ ಕ್ರಿಯೆಯನ್ನು ಹೆಚ್ಚಿಸುವ ಮತ್ತು ಕೊಬ್ಬನ್ನು ಬಳಸಿಕೊಳ್ಳುವ ಗುಣಗಳು ತೂಕ ಇಳಿಸುವ ಪ್ರಯತ್ನ ದಲ್ಲಿರುವ ವ್ಯಕ್ತಿಗಳಿಗೆ ವರದಾನವಾಗಿದೆ.
ಅರಿಶಿನ ನೀರನ್ನು ಕುಡಿಯುವುದರಿಂದ ಆಹಾರ ಸೇವನೆಯ ಬಯಕೆಯನ್ನು ನಿಗ್ರಹಿಸಲು, ಸಂತೃಪ್ತಿಯನ್ನು ಹೆಚ್ಚಿಸಲು ಮತ್ತು ದಿನವಿಡೀ ಹೆಚ್ಚು ಪರಿಣಾಮಕಾರಿ ಕ್ಯಾಲೊರಿಗಳನ್ನು ಬಳಸಿಕೊಳ್ಳಲು ಸಹಾಯ ಮಾಡುವ ಮೂಲಕ ತೂಕ ಇಳಿಕೆಗೆ ಸಹಾರಿಯಾಗಿದೆ.
ಅರಿಶಿನ ನೀರನ್ನು ತಯಾರಿಸುವ ವಿಧಾನ:
ಅಗತ್ಯವಿರುವ ಸಾಮಾಗ್ರಿಗಳು
1 ಚಿಕ್ಕ ಚಮಚ ಸಾವಯವ ಅರಿಶಿನ ಪುಡಿ
1 ಕಪ್ ಫಿಲ್ಟರ್ ಮಾಡಿದ ನೀರು
ಒಂದು ಚಿಟಿಕೆ ಕಾಳುಮೆಣಸು (ಇದು ಐಚ್ಛಿಕವಾಗಿದೆ, ಹಾಗೂ ಕುರ್ಕುಮಿನ್‌ನ ಹೀರಿಕೊಳ್ಳುವಿಕೆಯನ್ನು ಹೆಚ್ಚಿಸುತ್ತದೆ)
ವಿಧಾನ:
ಚಿಕ್ಕ ಪಾತ್ರೆಯಲ್ಲಿ ಅಥವಾ ಟೀ ಪಾತ್ರೆಯಲ್ಲಿ ಒಂದು ಕಪ್ ನೀರನ್ನು ಬಿಸಿಮಾಡಿ.
ನೀರು ಕುದಿಯಲು ಪ್ರಾರಂಭವಾದ ತಕ್ಷಣ ಉರಿಯನ್ನು ಆರಿಸಿ.ಈ ಬಿಸಿ ನೀರಿಗೆ ಒಂದು ಚಿಕ್ಕ ಚಮಚ ಅರಿಶಿನ ಪುಡಿಯನ್ನು ಸೇರಿಸಿ.ಅರಿಶಿನದ ಪುಡಿ ಪೂರ್ಣವಾಗಿ ಕರಗುವವರೆಗೆ ಮಿಶ್ರಣವನ್ನು ಚೆನ್ನಾಗಿ ಕಲಕಿ.ಕಾಳು ಮೆಣಸನ್ನು ಸೇರಿಸಲು ಇಚ್ಛಿಸಿದರೆ ಈ ಅರಿಶಿನ ನೀರಿಗೆ ಚಿಟಿಕೆ ಕರಿಮೆಣಸನ್ನು ಸೇರಿಸಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಿ.ಅರಿಶಿನ ನೀರನ್ನು ಉಗುರುಬೆಚ್ಚಗೆ ಆಗುವಷ್ಟು ತಣಿಯುವವರೆಗೂ ಹಾಗೇ ಬಿಡಿ.ಸೋಸುಕವನ್ನು ಬಳಸಿ ಈ ನೀರನ್ನು ಸೋಸಿ ಲೋಟದಲ್ಲಿ ನೀರನ್ನು ಸಂಗ್ರಹಿಸಿ.ಈ ನೀರನ್ನು ಉಗುರು ಬೆಚ್ಚಗಿದ್ದಂತೆಯೇ ಬೆಳಗ್ಗಿನ ಪ್ರಥಮ ಆಹಾರವಾಗಿ ಸೇವಿಸಿ ಮತ್ತು ಮುಂದಿನ ಮುಕ್ಕಾಲು ಗಂಟೆ ಏನನ್ನೂ ಸೇವಿಸದಿರಿ.